Қайрат Нұртастың баласы тағы да ауруханаға түсті

Қазақстандық танымал әнші Қайрат Нұртастың ұлы Нарұл жарақат алып, ауруханаға түсті. Бұл туралы әншінің жары, актриса Жұлдыз Әбдікәрімова өзінің парақшасында жазды, деп хабарлайды POLITICO.KZ.

Жұлдыз Әбдікәрімованың айтуынша, 15 жастағы Нарұл велосипедтен құлап, қолын сындырып алған. Қазір ол медициналық бақылауда, ем қабылдап жатыр.

«Дәл бір жыл бұрын Нарұл аттан құлап, сол жақ иығын сындырып еді. Биыл велосипедтен құлап, қолын сындырып отыр», – деп жазды актриса Instagram-дағы жазбасында.

Жұлдыздың айтуынша, Нарұл ауруханаға түскеннен бір апта бұрын дәл сол клиникаға үлкен қызын да апарған. Алайда қызының денсаулығы жайлы нақты ақпарат айтылмады.

Жұлдыз Әбдікәрімова Қайрат Нұртас