Қазақстан АҚШ-қа ресми түрде 49 жылға жер берді

Қазақстан АҚШ-қа консулдықты салу үшін жер телімін ресми түрде берді. Тоқаев заңға қол қойды, деп хабарлайды POLITICO.KZ. 

2025 жылы 19 мамырда Қазақстан президенті Қасым-Жомарт Тоқаев АҚШ-тың Алматыдағы жаңа Бас консулдық кешенінің құрылысын салу үшін жер телімін жалға беру жөніндегі ҚР мен АҚШ үкіметтері арасындағы келісімді ратификациялау туралы заңға қол қойды.

 Аталған келісім мемлекет басшысының Біріккен Ұлттар Ұйымының 74-сессиясына қатысу қорытындысы бойынша берген тапсырмасын іске асыру мақсатында әзірленген. Құжат шеңберінде АҚШ үкіметіне Алматы қаласында консулдық мекеме ғимараттарын салу үшін 70 593 шаршы метр жер учаскесі 49 жыл мерзімге жалға беріледі.