Қазақстан екінші жыл қатарынан Өзбекстанға өсімдік майын ең көп жеткізетін ел болып отыр

28 шілде 2026, 11:58 355

Қазақстан екінші жыл қатарынан Өзбекстанға өсімдік майын ең көп жеткізетін ел болып отыр — Фото: ашық дереккөз

Қазақстан екінші жыл қатарынан Өзбекстан нарығына өсімдік майын ең көп жеткізетін ел болып отыр. 2025 жылдың қыркүйек пен 2026 жылдың мамыр айлары аралығында Қазақстаннан көрші елге май-тоңмай өнімдерінің экспорты 553 мың тоннаға жеткен. Бұл өткен жылдың сәйкес кезеңімен салыстырғанда 130,8 мың тоннаға немесе 31%-ға көп, деп хабарлайды Politico.kz.

2025 жылдың қорытындысы бойынша Өзбекстанның өсімдік майы нарығындағы Қазақстанның үлесі 90%-дан асты. Соңғы бес маусымда қазақстандық өнім экспортының тұрақты өсімі байқалып отыр.

Сонымен қатар май-тоңмай өнеркәсібі өнімдерінің жалпы экспорт көлемі де артып келеді. Тоғыз айдың қорытындысы бойынша Қазақстанның аталған саладағы экспорты рекордтық 944 млн долларға жетті.

Осылайша, Қазақстан май-тоңмай өнімдерін экспорттау көлемін ұлғайтып қана қоймай, көрші елдер нарығындағы өз позициясын да нығайтып келеді. Әсіресе, Өзбекстан бағыты бойынша қазақстандық өсімдік майына сұраныс жоғары деңгейде қалып отыр.

Экспорт Қазақстан Өзбекстан өсімдік майы

Бізді Google-дың негізгі дереккөздер тізіміне қосыңыз

Қосу

Қазақстан екінші жыл қатарынан Өзбекстанға өсімдік майын ең көп жеткізетін ел болып отыр

Соңғы жаңалықтар