Қазақстанда АЭС салынатын жер ресми түрде анықталды

Қазақстан үкіметі елдегі алғашқы атом электр станциясын (АЭС) салу үшін ресми шешім қабылдады. деп хабарлайды POLITICO.KZ.

Үкіметтің қаулысына сәйкес, АЭС Алматы облысының Жамбыл ауданында салынады. Бұл шешім 2024 жылдың 30 желтоқсанында қабылданғанымен, құжат бүгін жарияланып, заңды күшіне енді.

Құжатқа ҚР Премьер-министрі Олжас Бектенов қол қойған. Бұған дейін, 8 қаңтар күні Президент Қасым-Жомарт Тоқаев үкіметке Қазақстандағы алғашқы АЭС құрылысын жеделдетуді тапсырған болатын.

АЭС салу туралы шешім елдегі электр энергиясының тапшылығын азайтуға бағытталған. Жоба экологиялық қауіпсіздік пен энергия қауіпсіздігін қамтамасыз етуге басымдық береді.

Айта кетейік, Ресей бұл салада Қазақстанмен әріптестігін күшейтіп, түрлі ұсыныстар жасап келеді. Сарапшылар мұндай әріптестіктің саяси ықпалға айналу қаупін жоққа шығармайды.