Қазақстанда көріпкелдер мен бақсылар былтыр 3 млрд теңгеге жуық табыс тапқан

Қазақстанда экстрасенстер, астрологтар мен балгерлер көрсететін қызметтердің ресми нарығы бір жыл ішінде 75 есеге өсіп, 2024 жылдың қорытындысы бойынша 2,9 млрд теңгеге жетті. Бұл туралы Finratings.kz жазды.

Мұндай күрт өсім екі фактормен байланысты: біріншіден, 2024 жылдан бастап жеке кәсіпкер ретінде тіркеуді міндеттейтін заңнамалық өзгерістер күшіне енді; екіншіден, эзотерикалық қызметтерге деген сұраныс артып отыр.

Түскен табыстың шамамен жартысы – 1,5 млрд теңге – халықтан келсе, қалған бөлігі ұйымдар мен заңды тұлғалардан түскен. Сарапшылардың пікірінше, бұл бизнес-коучинг, энергия тазарту немесе салықтан жалтарудың жасырын тәсілдері болуы мүмкін.

Қарапайым бал ашу 3 000–5 000 теңгеден басталса, танымал экстрасенстердің күрделі ритуалдары 1 млн теңгеге дейін жетеді. Сарапшылар мұны "магиялық қызметтер нарығының көлеңкеден шығуы" деп бағалап отыр.