Қазақстанда орташа жылдамдықты асырғандарға айыппұл салына ма

Қазақстанда 4 желтоқсаннан бастап орташа жылдамдықты асыруға қатысты жаңа заң күшіне енді, деп хабарлайды POLITICO.KZ.

Енді кейбір камералар көлік құралдарының тек ағымдағы жылдамдығын ғана емес, сонымен қатар олар пункт А-дан пункт Б-ге дейін жүріп өткен орташа жылдамдығын да тіркейді. ҚР Ішкі істер министрінің орынбасары Игорь Лепеханың айтуынша, жаңа жүйе енгізілген уақыттан бастап, жолдарда орташа жылдамдықты асырған 585 жағдай тіркелген. Алайда қазіргі уақытта бұл үшін айыппұлдар салынбайды.

"Орташа жылдамдықты асыру бойынша ешкім әлі жауапқа тартылған жоқ. Қазіргі уақытта трассаларда орналасқан аркалар бұрынғыша жұмыс істеп, тек сәттік жылдамдықты өлшейді. Егер жүргізуші 140 км/сағ рұқсат етілген жылдамдықтың орнына 160 км/сағ жылдамдықпен жүрсе, ол бұрынғыдай жауапқа тартылады", – деді Лепеха.

Орташа жылдамдықты бақылау қазір барлық жолдарда емес, тек кейбір түзу учаскелерде жүзеге асырылады. Бұрын бұл пилоттық жоба аясында үш ақылы трассада ғана енгізілген болатын. Алайда, қазіргі уақытта 16 учаскеде бақылау жүргізіліп жатқаны хабарланды.

Айта кетейік, орташа жылдамдықты асыруға қатысты айыппұл мөлшері әдеттегі жылдамдықты асырумен бірдей. 2024 жылы айыппұл мөлшері 5-тен 60 МРП-ға дейін (18 460–221 520 теңге), ал 2025 жылы 19 660–235 920 теңге аралығында болады.

Ақпарат nur.kz сайтынан алынған.