Қазақстандық әлеуметтік желіде жалға берген пәтерінің күл-талқаны шыққанын көрсетті (ВИДЕО)

TikTok-та қазақстандық Марал Жолаева жалға берген пәтерінің қандай күйге түскенін көрсетті. Әйелдің айтуынша, ол баспанасын бір қызға жалға берген, алайда оның жігітімен жанжалы пәтердің толықтай ойрандалуына әкелген, деп хабарлайды POLITICO.KZ. 
Бейнежазбада: жатын бөлмедегі шкаф сынған, есіктері жұлынып жерге құлаған, бөлме есігі бүлінгені көрінеді. 
Асүйде үстел мен орындықтар қираған. Пәтер иесінің сөзінше, пәтерге біреу «бомба тастағандай» күйге түскен.
Видео авторы көршілердің ештеңе байқамағанына, естімегеніне таң қалды.

«Мұндайды қалай естімеуге болады? Егер бұл Шымкентте болғанда, көршілер міндетті түрде қожайынға хабарласар еді немесе полиция шақырар еді», - дейді ол.