Қазақстандық әйел Түркияда өзін зорлап, тонап кеткенін мәлімдеді

Түркияның Аланья қаласында демалып жүрген қазақстандық әйел өзіне жыныстық тиіспеушілік жасалып, тоналғанын айтты, деп хабарлайды Politico.kz "Информбюро" бағдарламасына сілтеп.

DHA ақпарат агенттігінің мәліметінше, оқиға 16 шілдеге қараған түні болған. Жәбірленуші жаңадан танысқан ер адаммен бірге қонақүйге барған, алайда біраз уақыттан соң серігі жалғыз шығып кеткен. Осыдан кейін турист жедел қызметке хабарласып, әлгі азаматтың өзіне күш көрсетіп, ұялы телефонын тартып алғанын хабарлаған.

Аланья қалалық полиция қызметкерлері шағымдан кейін Сирияның 24 жастағы азаматын ұстады. Күдікті аудармашының қатысуымен жауап бергеннен кейін сотқа жеткізіліп, тергеу аяқталғанша қамауға алынды.

Қазақстанның Сыртқы істер министрлігі әзірге бұл оқиғаға қатысты ресми түсініктеме берген жоқ.

Зорлық-зомбылық Түркия қастандық Әйел

Қазақстандық әйел Түркияда өзін зорлап, тонап кеткенін мәлімдеді

Соңғы жаңалықтар