Қазақстандық блогердің видеосы әлемнің басты Instagram парақшасында жарияланды

Қазақстандық трэвел-блогер әрі видеограф Дастан Мұхамедрахимнің туындысы әлем назарына ілікті. Әйгілі Instagram әлеуметтік желісінің 696 миллион оқырманы бар ресми парақшасы отандасымыздың видеосын өз оқырмандарына ұсынды, деп хабарлайды POLITICO.KZ.

Бұл роликте Қаратау өңірі мен Қонаев қаласының маңындағы көз сүйсінерлік, таңғажайып ландшафтар бейнеленген. Видео қазірдің өзінде 34 миллионнан астам қаралым жинап үлгеріпті.

Блогердің өзі бұл тосын жаңалықты өз парақшасында үлкен қуанышпен бөлісті.

"Ааал сүйінші Қазақ елі!!! Әлемдегі оқырманы ең көп парақшаға Қазақстанымыздың табиғатын шығардық", – деп жазды Дастан Мұхамедрахим өзінің Instagram желісінде.