Қазақстандықтар несиеге тәуелді болуда: ҚҚС өсуі жағдайды ушықтыруы мүмкін

Қазақстанда тұтынушылық несиелер көлемі қарқынды өсуде. 2024 жылы 6,8 миллион қазақстандық жалпы сомасы 10,6 трлн теңгеге кепілсіз несие алған, деп хабарлайды POLITICO.KZ.

Бұл көрсеткіш алдыңғы жылмен салыстырғанда 16%-ға көп.

Ұлттық банк тұтынушылық несиелеу қарқыны екі есеге баяулайды деп күткен болатын, алайда жағдай керісінше өрбіді. Бұл несие алу шарттарының қатаңдатылуына қарамастан орын алып отыр.

Кәсіпкерлік несиелеу де айтарлықтай өсті. Шағын бизнестің несие алуы 15%-ға, ал орта бизнестің несие көлемі 26%-ға артты. Сарапшылардың пікірінше, бұл азаматтардың нақты табыстарының төмендеуімен тікелей байланысты.

Қаржы сарапшысы Расул Рысмамбетов НДС өсімі несиеге деген сұранысты одан әрі арттырады деп санайды.

«Баға орташа деңгейде өседі. Несие мөлшері де артады. Қарыз жүктемесі күшейеді», – деді сарапшы.

Көптеген қазақстандықтар микронесиеден алыстаса да, тұрмыстық техника немесе гаджеттерді несиесіз сатып алу қиын. Ұлттық банк мәліметінше, елде ұзақ мерзімді тұтынушылық тауарлар аз. Сол себепті несие көбіне шетелден әкелінген өнімдерге рәсімделеді. Бұл доллар сұранысын арттырып, теңгеге қысым көрсетеді.

Ұлттық банк тұтынушылық несиелеуді реттеуді қатаңдатуды жоспарлап отыр.