Қоспаевтың 9 миллиард теңгелік фазендасы тәркіленді

Қаржылық мониторинг агенттігі Қоспаев ОПГ-нің мүлкі туралы ақпаратты жариялады, деп хабарлайды POLITICO.KZ.

Агенттіктің мәліметінше, Қоспаев ұйымдасқан қылмыстық тобына тиесілі 133 жылжымайтын мүлік объектісі, 11 жер телімі, 35 элиталық автокөлік және 9 миллион доллар көлемінде қолма-қол ақша анықталған.

"Алматы облысында Қоспаев ешқандай құжатсыз бассейн, тренажёр залы бар зәулім фазенда салдырған. Ол жерде асыл тұқымды жылқыларды өсіріп, арыстан мен аюларды қамтыған зоопарк ұстаған," – деп хабарлады агенттік.

Жалпы залал көлемі 9,2 миллиард теңгеге бағаланған. АФМ осы мүліктерді тәркілеу және қылмыстық топтың заңсыз әрекеттерін анықтау бойынша жұмысын жалғастыруда.