Қостанада ер адамның мәйіті мен жаралы бала табылды

Қостанайда сұмдық жағдай тіркелді. Қаладан ер адамның мәйіті мен жарақат алған бала табылды, деп хабарлайды POLITICO.KZ Alau.kz сайтына сілтеме жасап.

Полицейлер екі қылмыстық тергеуді бастады. Қазіргі уақытта барлық қажетті тергеу амалдары жүргізіліп жатыр.

«Қазақстан Республикасы заңнамасының талаптарын ескере отырып, тергеу барысына қатысты жағдайдың барлығы құпия болады», - деп хабарлады Қостанай облысының полиция департаментінің баспасөз қызметі.

Әлеуметтік желіде оқиғаның Толстой көшесіндегі үйде болғаны туралы ақпарат тарап жатыр. Куәгерлердің айтуынша, белгісіз біреу пәтерге баса-көктеп кіріп, баланы ауыр жаралап, кейін өз-өзіне қол жұмсаған.