"Құдағиым білмеймін дейді": Марқұм Айзаттың анасы құдаларының шындықты жасырып отырғанын айтып, жылап қалды

Марқұм Айзат Жұманованың өліміне қатысты анасы Салтанат Жұманова да пікір білдірді. Бұл туралы ол журналист Руслан Өтепбайға берген сұқбатында айтты, деп жазады POLITICO.KZ Alash.kz сайтына сілтеп. 

Сұқбат барысында журналист Руслан Өтепбай: "Әлеуметтік желіде қызыңызды аттың құйрығына байлап өлтірді деген әңгіме тарады. Бұл рас па?" – деп сұрады.

"Мен оны нақты білмеймін. Оны нақты көрген адам жоқ. Кім шынын айтады? Біз олай айтқан себебіміз – қызымның екі қолы, екі тізесі, саусақтары жара-жара боп кеткен. Осыған қарап отырып біз жаңағыдай пайым жасадық. Анық-қанығына жете алмай отырмын ғой. Құдағи ештеңе демейді, айтпайды. Сұрасам "білмейміз" дейді", – деді Салтанат Жұманова.