Құранды өртеген ер адам пышақ шабуылына ұшырады

Лондонда белгісіз ер адам Түркия елшілігінің алдында Құранды өртеп, кейін көшеде өтіп бара жатқан адам оны пышақпен шабуылдаған. Daily Mail басылымының мәліметінше, оқиға куәгерлерінің бірі өртеніп жатқан Құранды қолынан тартып алып, оны өртеген адамды жерге құлатқан. Кейін шабуылдаушы пышақпен жарақат салмақ болған, бірақ құқық қорғау органдары дер кезінде келіп, оны ұстаған.

НЕ ҮШІН ӨРТЕГЕН?

Құранды өртеген ер адам өзінің бұл әрекетін Түркия президенті Режеп Тайып Ердоғанның саясатына қарсы наразылық ретінде жасағанын мәлімдеді. Оның айтуынша, Ердоған Түркияны радикалды исламшыл топтардың орталығына айналдырған.

Айта кетейік, 2023 жылдың қыркүйегінде Қазақстан президенті Құранды өртеу әрекеттерін айыптаған болатын.

БҰҒАН ДЕЙІНГІ ОҚИҒАЛАР

29 қаңтарда кешкі уақытта Швецияның Сёдертелье қаласында атыс болып, 38 жастағы Салван Момик өлі табылған. Ол 2023 жылы Құранды өртеу бойынша акция ұйымдастырған еді.