Радикалды діни топ жетекшісі сотталып шықса да заңсыз әрекетін жалғастыра берген

Алматы облысының дін істері басқармасы радикалды діни топ жетекшісінің ұсталғанын мәлімдеді, деп хабарлайды POLITICO.KZ. 

Басқарманың мәләметінше, ер адам діни алауыздықты қоздырды деген күдікке ілінген. Ұсталған адам бұрын террористік әрекетке қатысқаны үшін сотталған. Жазасын өтегеніне қарамастан, ол өзінің деструктивті сенімдерінен бас тартпай заңсыз әрекеттерін жалғастыра берген. Ол әлеуметтік желілер арқылы жалған сенімдегі материалдарды таратты.

Оған қатысты Қазақстан Республикасы Қылмыстық кодексінің 174 - бабының 1-бөлігі («әлеуметтік, ұлттық, рулық, нәсілдік, таптық немесе діни араздықты қоздыру») бойынша сотқа дейінгі тергеу басталды. Ер адам жеті жылға дейін бас бостандығынан айырылуы мүмкін.