Шерзат ісі бойынша соттан кейін адвокат көлігінен ақау табылған

Адвокаттар көлігіне араңдату әрекеті жасалды ма? Шерзат Болаттың ісі бойынша қорғаушылар дөңгелек болттарының әдейі босатылғанын айтты, деп хабарлайды POLITICO.KZ.

Шерзат Болаттың отбасын қорғап жүрген адвокаттар кезекті сот отырысынан кейін өз көліктерінен дөңгелек болттарының босап тұрғанын байқаған. Олардың айтуынша, бұл жол үстінде жол апатына және адам өміріне қауіп төндіруі мүмкін жағдай болған.

«Бұл – әдейі ұйымдастырылған әрекет пе, әлде жай ғана кездейсоқтық па — біз нақты айта алмаймыз», – деді адвокаттар.

Аталған оқиға 16 жастағы Шерзат Болаттың өліміне қатысты жоғары резонанс тудырған сот процесі жүріп жатқан тұста орын алды. Қазірге дейін бұл іс қоғам назарында, ал күдіктілер мен куәгерлерге қатысты бірқатар жанжалдар болған.