Шерзат ісі: сотталғандардың бірі бостандыққа шықты

Шерзат ісіне қатысты сотталғандардың бірі Думан Ысқақ қамаудан босатылды. Бұл туралы оның адвокаты Мейірман Шекеев мәлімдеді.

Адвокаттың айтуынша, 2025 жылдың 23 шілдесінде Алматы облыстық сотының қылмыстық істер жөніндегі алқасы сот үкімін орындауына байланысты тыйым салу бұйрығын алып тастау туралы қаулы қабылдаған. Осыдан кейін Думан Ысқақ бостандыққа шықты.

Айта кетейік, оған ҚР Қылмыстық кодексінің 434-бабы бойынша – «Қылмыс туралы хабарламау» айыбы тағылған болатын.

Сонымен қатар, аталған іс бойынша апелляциялық сот отырысы 2025 жылдың 18 тамызында сағат 11:00-де Алматы облыстық сотының ғимаратында өтеді.