Шерзат Полат ісі бойынша сотталғандар апелляциялық шағым түсірді

Шерзат Полат ісі бойынша сотталғандар үкімге апелляциялық шағым түсірді, деп хабарлайды POLITICO.KZ. 

Мұны адвокат Мейірман Шекеев мәлімдеді. Оның айтуынша, 21 маусымда үкім заңды күшіне енді. Сотталушылар Шыңғыс Белғожаев пен Думан Ысқақ қана апелляциялық шағым бермеген.  

Сондай-ақ адвокат Қаржаубайдың реанимацияға түскені туралы жалған ақпараттар тарап жатқаны, шындыққа жанаспайтынын айтты. Айта кетейік, Шерзат Полат ісі бойынша 9 күдікті сот үкімі шыққан еді. Абзал Шынасыл — 23 жылға, Равиль Сакиев — 20 жылға бас бостандығынан айырылған. Қалған жеті адам бұзақылық үшін 1,5 жылдан 15 жылға дейінгі мерзімге сотталған.