«Шерзаттың жетісін беретін күні үйді өртеп кетті» – Талғарда қаза тапқан жасөспірімнің әпкесі

Талғарда қаза тапқан жасөспірімнің әпкесі Перизат Нұрымова өрт туралы мәлімдеді. Ол massaget.kz тілшісіне берген сұхбатында үйді бір күні жинап кеткендерін айтты.

Бүгін негізі – Шерзаттың "жетісі" ғой. Жетісін Талғарда қайтқан күні таратып жіберген болатынбыз, бірақ мына үйден "Иіс шығарайық" деп дайындалған едік. Іштің бәрін сыпырып, жуып, тазалап кеттік. Кешке дейін осында болдық, – деді ол.

Оның айтуынша, көршілері өртті сөндіруге тырысқанымен, бұл мүмкін болмаған. Өртсөндірушілер оқиға орнына шамамен 20 минутта жеткен.

Мына жақта мектепте істейтін мұғалім бар. Түнде түрін танымадым, жылап тұр екен. Сол кісінің баласы көрген екен. Тағы бір кісінің жолдасы кеш келіпті. "Шай берейін деп жатсам, дала жарық боп кетті, терезелерге қарасам, түк көрінбейді. Далаға шығып қарасам, осы жаққа қарай жүгіріп бара жатыр екен" деді. Жүгіргендеріне қарағанда, қатты жанып жатқан ғой. Су шашатындай болған жоқ, өрт сөндірушілерге әрең хабар бердік" деді. Өшіріп үлгергенінен қалғаны осы болып тұр ғой, – деді Перизат Нұрымова.

талғар