Щучинсктегі жарылыстан қаза тапқандар саны артты

Щучинскте дәмханада болған жарылыстан қаза тапқандар саны 8 адамға жетті, деп хабарлайды Politico.kz.

Облыстық денсаулық сақтау басқармасының мәліметінше, зардап шеккен тағы бір науқас көз жұмды.

Ер адам Бурабай ауданының көпсалалы ауданаралық ауруханасының жансақтау бөлімінде жатқан.

Дәрігерлер науқастың өмірі үшін бірнеше күн бойы күрескен. Алайда оны аман алып қалу мүмкін болмады.

Еске сала кетейік, 26 ақпанда Щучинск қаласында кафеде жарылыс болып, соңы өртке ұласқан еді.

28 адам зардап шекті. Оның ішінде 8 адам қаза тапты.

Бізді Google-дың негізгі дереккөздер тізіміне қосыңыз