Шымкентте ректор аудиторияны жөндеуге бөлінген қаржыға көлік пен коттедж сатып алған

Шымкентте ректор аудиторияны жөндеуге бөлінген қаржыға көлік пен коттедж сатып алғанны анықталды, деп хабарлайды POLITICO.KZ.

Бұл туралы ҚМА мәлімдеді. Шымкенттегі М.Әуезов атындағы ОҚУ-да аса ірі көлемде – 256 млн теңге бюджет қаражатын жымқыру дерегі бойынша тергеу аяқталды.

Күдіктілер қатарында ректордың міндетін атқарушы Нурманбетов пен қаржы және әкімшілік департаменттердің директорлары, серіктес компаниялардың басшылары бар. 

Жымқырылған қаржыға 6 қымбат көлік (Mercedes-Benz S-класс, Lexus LX570 және т.б.) және Шымкент орталығынан 254 млн теңгелік элиталық коттедж сатып алынған.

Барлық мүлікке сот санкциясымен тыйым салынды, 4 күдіктіге үйқамақ түріндегі бұлтартпау шарасы қолданылды.