Шымкенттегі зообақта түйеқұсты тепкен ер адамға іздеу салынды

Шымкентте зообақта жайылып жүрген түйеқұсты тепкен ер адам видеоға түсіп қалды, деп хабарлайды POLITICO.KZ. 

Ер адам қауіпсіздік ережелері мен «қоршаудан өтуге болмайды» деген нақты ескертуге қарамастан тәртіп бұзған. 

Оқиғаға байланысты зообақ басшылығы келушілерге үндеу жасады.

«Бұл – жабайылық. Жануарлар – ойыншық емес. Олар тірі, сезеді, қорқады, күйзеліске түседі, ауырсынады. Егер жануарларға жанашырлығың жоқ болса – оларға жолама. Мазалама. Зиян келтірме. Оқиға басқа бір келушінің телефонына түсіп қалған. Бұл адамды таныған болсаңыз, бізге хабарласуыңызды сұраймыз. Қажет болған жағдайда құқық қорғау органдарына жүгінеміз. Жануарларға құрмет – адамгершіліктің белгісі», - дейді Шымкент зообағы.