Сиви Махмуди жас жігітпен бірге көрінді

Күйеуімен жолдары екіге айырылған танымал әнші Сиви Махмуди желіде жаңа серігімен көрініп, көпшіліктің қызу талқысына түсті, деп хабарлайды Skifnews.kz ақпарат порталы.

Өнер иесі өзінің әлеуметтік желідегі парақшасына бейтаныс жас жігітпен түскен видеосын жүктеген. Әнші оқырмандарына жұмбақтап, «Бұл кадрлар өмірден алынған ба әлде кинодан ба?» деп жазба қалдырған.

Бұл жазба желі қолданушыларының назарынан тыс қалмады, олардың пікірі екіге жарылды. Бір тобы әншіге бақыт тілеп, «Махаббат жасқа қарамайды», «Көз тимесін, жарасып тұр», «Өмірден екені көрініп тұр, бақытты болыңыз» деген жылы лебіздерін білдірді.

Ал екінші тарап жігіттің жастығына таңданыстарын жасыра алмады. «Ойбай, жап-жас қой», «Баласы екен десем» деп жазды олар.