Сот экс-президентті үй қамағына алуды тапсырды

Бразилияның жоғарғы соты бұрынғы президент Заир Болсонарды үй қамағына жіберді, деп хабарлайды POLITICO.KZ. 

Сот экс-президентке ұялы телефонды пайдалануға тыйым салды. Сонымен қатар ол сөйлесуге болатын адамдар санын шектеді.

Судья Александр ди Мораес үкімді 3 тамыз күні шығарды. 70 жастағы экс-президентте 2022 жылғы сайлауда жеңіске жеткен қарсыласының үкіметін құлату үшін қастандық жасады деген айып тағылды. Айыптауға сәйкес, 2023 жылдың 8 қаңтарында экс-президенттің жақтастары Бразилиядағы конгреске, Жоғарғы сотқа және президент сарайына шабуыл жасады.

Тергеу ұзаққа созылып, ақыр соңы бұрынғы президент айыпты болып шықты. Судья оған электронды білезік киюді, түнгі үй қамауын сақтауды міндеттеді. 

Экс-президент «демократиялық құқықтық тәртіпті жоюға ұмтылды» деген айыптауды жоққа шығарды.