Суға батып кеткен екі жастағы қыздың суреті тарады

Әзербайжанның Загатала ауданының Юхары Тала ауылында қайғылы оқиға орын алды. Екі жасар Сафия Исмайылова отбасымен демалып жүрген кезінде өзенге құлап, батып кетті.

Oxu.Az мәліметінше, оқиға күндізгі уақытта Тала өзенінің Юхары Тала ауылынан өтетін бөлігінде болған. Аудан тұрғыны Эфенди Исмайылов отбасымен өзен маңында демалып жүрген сәтте, 2023 жылы туған қызы Сафия Исмайылова бір сәт назардан тыс қалып, суға құлап кеткен.

Баланы судан іздеу жұмыстары нәтижесінде шығарып алып, дереу оқиға орнына келген жедел жәрдем бригадасына тапсырған. Сафия Загатала орталық аудандық ауруханасына жеткізілгенімен, дәрігерлер оның өмір белгілері жоқ екенін анықтады.

Аталған факт бойынша Загатала ауданы прокуратурасы тергеу жұмыстарын жүргізіп жатыр.