Қатерлі ісікке шалдыққан танымал актер көру қабілетінен айырылғанын айтты

Актер және шоумен Роман Попов, «Полицейский с Рублевки» телехикаясындағы рөлімен танылған, ми обырына байланысты көру қабілетінен айырылғанын ашық айтты.

Super басылымының хабарлауынша, 40 жастағы өнер иесі қазір оң көзінен мүлде көрмейді, ал сол көзі өте нашар көреді. Соған қарамастан, ол әлі де жұмыс істеуге және өмір сүруге деген үлкен құлшынысын жеткізді. Оның айтуынша, ми ісігі есту қабілетіне де кері әсерін тигізіп отыр.

Романда үшінші дәрежелі астрцитома — мидың глиальді ісігі — 2018 жылы анықталған. Дәрігерлер ісікті алып тастап, үш жылдық емдеу курсын аяқтағанымен, 2021 жылы ол қайтадан рецидив берді. 27 маусымда актер аурудың «басқа формада» қайтып келгенін мәлімдеді.

Попов Comedy Club жобасына қатысуымен және түрлі комедиялық фильмдердегі рөлдерімен көрерменге жақсы таныс. Оның фильмографиясында «Новогодний беспредел», «Девушки бывают разные», «Ботан и Супербаба» сынды дерлік қырыққа жуық туынды бар.