Танымал актриса өмірден озды

Мемлекеттік академиялық Е.Вахтангов атындағы театрдың актрисасы Агнесса Петерсон 89 жасында өмірден озды. Бұл туралы театрдың баспасөз қызметі хабарлады.

«Агнесса Оскарқызы ұзаққа созылған сырқаттан кейін өмірден өтті. Кеше ғана ол 89 жасқа толған еді. Біз оның сырқатты жеңіп, сахнаға қайта оралуына қатты үміттендік, өкінішке қарай, бұл орындалмады», — делінген театрдың хабарламасында.

Агнесса Петерсон 1936 жылы Эстонияда дүниеге келген. Вахтангов театрының сахнасында ол 30-дан астам рөл сомдап, көптеген кино және телеспектакльдерге түскен. 1991 жылы оған РСФСР-дің еңбек сіңірген әртісі атағы берілді.