Теміртауда жасөспірімдер зейнеткерді аяусыз соққыға жығып, видеоға түсіріп алған

Теміртауда бірнеше жасөспірім 67 жастағы зейнеткерді алдап, оның пәтеріне кіріп, аяусыз соққыға жыққан. Олар бұл қатыгез әрекеттерін видеоға түсірген,деп хабарлайды POLITICO.KZ ​​​​​​.

Белгілі болғандай, шабуыл жасағандар – жастар, олардың арасында кәмелетке толмағандар да бар. Теміртауда жасөспірімдер тобы 67 жастағы науқас зейнеткердің пәтеріне электр қызметкері ретінде алдап кіріп, кейін оған қорлық көрсеткен. Олар қарт адамның бетін аяқпен теуіп, түкіріп, балағаттаған, – делінген жазба сипаттамасында.

Қарағанды облысының Полиция департаменті Теміртау қаласының 67 жастағы тұрғынына шабуыл жасау фактісі бойынша қылмыстық іс қозғалғанын мәлімдеді.

Бұл жағдай учаскелік инспекторлардың алдын алу жұмыстары барысында анықталды. Барлық кінәлілер, оның ішінде кәмелетке толмағандар да ұсталып, уақытша ұстау изоляторына қамалды, – деп хабарлады облыстық Полиция департаменті..

Кәмелетке толмағандардың заңды өкілдері жауапкершілікке тартылады.