Президент елдердегі бірқатар елшілерді ауыстырды

Президенттің Жарлығымен Әлім Серікұлы Қирабаев Қазақстан Республикасының Польша Республикасындағы Төтенше және Өкілетті Елшісі лауазымынан босатылды, деп хабарлайды POLITICO.KZ.

" Мемлекет басшысының Жарлығымен Әлім Серікұлы Қирабаев Қазақстан Республикасының Польша Республикасындағы Төтенше және Өкілетті Елшісі лауазымынан босатылды", - делінген ресми хабарламада.

Президенттің келесі жарлығымен Қазақстан Республикасының Польша Республикасындағы Төтенше және Өкілетті Елшісі болып Нұрлан Әділұлы Жалғасбаев тағайындалды. Осыған байланысты ол Қазақстанның Үндістан Республикасындағы Төтенше және Өкілетті Елшісі, сондай-ақ Шри-Ланка, Бангладеш, Непал, Бутан және Мальдив Республикаларындағы қоса атқарушы қызметтерінен босатылды.

Сонымен қатар Қазақстанның Үндістан Республикасындағы Төтенше және Өкілетті Елшісі лауазымына Азамат Несіпбайұлы Есқараев тағайындалды.

Следите за нашими новостями в Google News

Подписаться