Төрт жасар бала көліктегі ата-анасының мәйітінің жанында екі күн көмек күткен

Бразилияда төрт жасар бала жол апатынан қаза тапқан ата-анасының жанында көлікте екі күн бойы көмек күтті, деп хабарлайды Portal iG.

Оқиға Пернамбуку штатының Гараньюнс аймағындағы BR-424 тас жолында болған. Полиция мәліметінше, көлік апаты 27 қыркүйекте орын алып, тек 29 қыркүйекте табылған.

Бала автокреслода белбеумен бекітілген күйде болғандықтан аман қалған. Ол көлікте шамамен 48 сағат отырған. Жергілікті тұрғын апат болған көлікті байқап, дереу көмек шақырған.

Бала есін білетін жағдайда табылып, көзге көрінер жарақат алмаған. Алдын ала мәлімет бойынша, көлік жолға шыққан жылқымен соқтығысып, жүргізуші басқаруды жоғалтқан. Соның салдарынан көлік жолдан шығып, аударылып кеткен. Ата-анасы оқиға орнында қаза тапқан.