Түркістан облысында ер адам 17 жастағы қызды бір жыл бойы зорлап келген

Оқиға Түркістан облысы Мақтарал ауданында болған, деп хабарлайды POLITICO.KZ Stan.kz-ке сілтеп.

Жәбірленушінің айтуынша, бәрі өткен жылы тамыз айында күдіктінің көлік жүргізуді үйретемін деген ұсынысынан басталған. Ер адам "ақша алып шығамын" деген сылтаумен бір жерге кіріп кеткен. Бес минуттан соң келіп, көлік есігін құлыптап, қызды зорлаған. Мұны видеоға түсіріп алып, әлеуметтік желіге таратамын деп қорқытқан.

Араға уақыт салып ол жәбірленушіні басқа еркектермен жыныстық қатынасқа түсуге мәжбүрлеген. Бұған шыдамаған қыз өзіне қол салмақ болған. Оны ата-анасы аман алып қалған. Мән-жайды біліп, дереу полицияға арызданған.

Полиция ақпаратты растап, қылмыстық іс қозғалғанын айтты. Іс бойынша қанша күдікті бары әзірге белгісіз.