"Тұрып қалған етеккір": Асхат Ниязовтың тағы бір сәтсіз әзілі желіде тарады (ВИДЕО)

Журналист Асхат Ниязовтың тағы бір сәтсіз қалжыңы әлеуметтік желіде тарады, деп хабарлайды POLITICO.KZ.

Әлеуметтік желілерде журналист Асхат Ниязовтың әйелдерге арналған 8 наурыз мерекелік құттықтауында айтқан тағы бір сәтсіз қалжыңы бар бейнежазба тарады.

Кадрларда ол «Хабар» арнасының қызметкерлерін мерекемен құттықтап, оларға сусын құйылған бір реттік стақандар ұсынады. Алайда бір стақанда қою қызыл түсті сұйықтық болған, ал журналист оны әзілдеп «тұрып қалған етеккір» деп атаған.

Бейнежазба журналистің «Хабар 24» мемлекеттік телеарнасында жұмыс істеген кезінде түсірілген болуы мүмкін.

Айта кетейік, жуырда Асхат Ниязов «Прожарка Каны Бейсекеева» атты подкасттағы тағы бір әзілі үшін де сынға қалған болатын. Сол кезде ол әзілкеш Руслан Тай туралы айтқан сөзімен қоғамның наразылығын тудырған еді.