Украинада тағы бір F-16 ұшағы атып түсірілді

2025 жылғы 12 сәуірде F-16 ұшағымен жауынгерлік тапсырманы орындау кезінде 26 жастағы Павел Иванов қаза тапты. Бұл туралы Цензор.НЕТ сайты Әуе күштерінің баспасөз орталығына сілтеме жасап хабарлады.

«Өкінішке қарай, қайғылы хабар... 2025 жылғы 12 сәуірде F-16 ұшағымен жауынгерлік тапсырма орындау кезінде 26 жастағы Павел Иванов қаза тапты. Ол өз жерін басқыншылардан қорғап, шайқаста қаза тапты...», – делінген хабарламада.

Бүгінгі таңда F-16 ұшақтарының ұшқыштары күн сайын дерлік күрделі жағдайда жауынгерлік тапсырмаларды орындап жатыр. Олар шабуылдаушы авиациялық топтарды жаудан қорғап, жау нысандарына соққы беруде. Украиналық ұшқыштар адам мүмкіндігінің шегінде жұмыс істеп, әр жолы өмірлерін қауіпке тігуде. Павел солардың бірі болатын.

Қайғылы жағдайдың барлық мән-жайын аралық ведомстволық комиссия анықтауда. Тергеу басталып кеткен.

Айта кетейік, 2024 жылғы 26 тамызда Ресейдің зымыран соққысын тойтару кезінде «Moonfish» деген лақап атымен белгілі ұшқыш Алексей Месь қаза тапқаны белгілі болды.

29 тамыз кешінде Украина Бас штабы Ресей зымыран шабуылы кезінде F-16 жойғыш ұшағының жоғалғанын растады.

Украиналық "Америка дауысы" қызметіне аты-жөнін атамаған Әуе күштері өкілдері бұл жағдайдың бірнеше нұсқасы қарастырылып жатқанын хабарлады: «өз әуе қорғаныс күштерінің қателігі (досқа атқан оқ)», техникалық ақау немесе ұшқыштың қателігі.

Жоғарғы Раданың Ұлттық қауіпсіздік, қорғаныс және барлау жөніндегі комитеті төрағасының орынбасары, «Халық қызметшісі» партиясының өкілі Марьяна Безуглая украиналық ұшқыш Алексей «Moonfish» Месьтің F-16 жойғыш ұшағы Patriot ЗРК-сы тарапынан, бөлімшелер арасындағы үйлесімсіздік салдарынан атылып құлатылғанын мәлімдеді.