Ұлттық цифрлық инвестициялық платформада 755 жоба тіркелген — Роман Скляр

Жыл басынан бері Инвестициялық штаб жалпы сомасы шамамен $45 млрд болатын 88 инвестициялық жобаны қарады. Мемлекет басшысының «Әділетті Қазақстан: заң мен тәртіп, экономикалық өсім, қоғамдық оптимизм» атты халыққа Жолдауын іске асыру шеңберінде «озық» инвестициялық жобаларды іске асыру мониторингінің алгоритмі әзірленді, инвесторлармен тұрақты байланыс жолға қойылды. Сондай-ақ «инвестицияларға тапсырыс беру» тетігі әзірленді. Әкімдіктер өңірлік ерекшеліктер мен артықшылықтарды ескере отырып, жобаларға бастамашылық жасайды.