Ұлттық қор балаларға ақша аударды

2025 жылы "Ұлттық қор – балаларға" жобасы аясында әр балаға 129,38 доллардан есептелді, деп хабарлайды POLITICO.KZ.

Бұл туралы Қаржы министрлігі мәлімдеді.

2024 жылы бағдарламаға 6 919 131 бала (2006-2023 жылдары туғандар) қатысты, әрқайсысына 100,52 доллар аударылған. Жалпы төлем сомасы 695,5 млн долларды құрады.

2024 жылы 304 815 бала 18 жасқа толды, оларға 30,6 млн доллар төленді.

30 қаңтарда қазақстандықтар eGov Mobile және басқа қосымшалардан төлемдер туралы ақпарат таба алмады. 31 қаңтарда деректер жаңартылады.

Есептелген соманы kids.enpf.kz сайтынан немесе eGov Mobile арқылы тексеруге болады. Егер ескі деректер көрсетілсе, "құжаттарды жаңарту" батырмасын басу қажет.