Үндістанда 400 млн адамды жинаған ең ірі діни фестиваль басталды

Үндістанда "Маха Кумбха Мела" деп аталатын ең ірі діни фестиваль басталды, деп хабарлайды POLITICO.KZ.

Бұл индуизмнің діни күнтізбесіндегі ең маңызды оқиға, әр 12 жыл сайын өтетін "фестивалдер фестивалі". Биылғы шара Уттар-Прадеш штатының Праяградж қаласында Ганг өзенінің жағалауында өтуде. Ұйымдастырушылар 45 күндік фестивальге 400 миллионнан астам паломник келеді деп күтілуде – бұл әлем тарихындағы рекордтық көрсеткіш.

"Маха Кумбха Мела" фестивалінің басты салты – Ганг өзенінде шомылу. Сенім бойынша, бұл әрекет тек денені емес, жанды да күнәлардан тазартып, қайта туылу циклінен босатуға мүмкіндік береді.

Фестиваль ұйымдастырушылары паломниктерге арналған арнайы мобильді қосымша мен жасанды интеллектке негізделген чат-бот әзірледі. Чат-бот 11 тілде сұрақтарға жауап бере алады. Сонымен қатар, жоғалғандарды табу мәселесін шешу үшін барлық туристерге радиочастоталық білезіктер беріледі.