ҰҚК полиция мен ХҚКО қызметкерлері ұсталғанын растады

Қазақстанның Ұлттық қауіпсіздік комитеті Алматы қаласында полиция мен Халыққа қызмет көрсету орталығының бірнеше қызметкерлерінің ұсталғанын растады, деп хабарлайды Politico.kz

Бұл туралы Ұлттық қауіпсіздік комитеті редакциямыз жолдаған ресми сауалға берген жауабында мәлімдеді.

«Сотқа дейінгі тергеп-тексеру жүргізіліп жатқанын хабарлаймыз. Қылмыстық-процестік кодекстің 201-бабының 1-тармағына сәйкес өзге ақпарат жария етуге жатпайды», – делінген жауабында.

Айта кетейік, бұған дейін ҰҚК-нің Алматы қаласы бойынша департаменті арнайы операция өткізіп, бір топ қызметкерді қолға түсіргені жайлы ақпарат тараған еді. Сол мәліметтерге сүйенсек, ұсталған тұлғаларға заңсыз миграцияны ұйымдастыру бабы бойынша айып тағылып отыр.

Алматы қаласы ХҚКО ҰҚК

ҰҚК полиция мен ХҚКО қызметкерлері ұсталғанын растады

Соңғы жаңалықтар