Ұшақ әуеге көтеріле бере жерге құлады

Венесуэлада ұшақ апатқа ұшырап, экипаж қаза тапты, деп хабарлайды POLITICO.KZ.

Венесуэлада Piper PA-31T1 Cheyenne шағын ұшағы әуеге көтеріле бере жерге құлап, апатқа ұшырады. Бұл қайғылы оқиға туралы елдің Азаматтық авиациясының ұлттық институты - INAC ресми мәлімет таратты.

Ведомствоның хабарлауынша, апат бүгін, жергілікті уақытпен таңертеңгі сағат 09:52 шамасында болған. Әуе кемесі көкке көтерілместен жерге құлаған. Бортта болған экипаждың екі мүшесі де оқиға орнында тіл тартпастан кеткен.

Ұшақтың құлаған сәті түсірілген бейнежазба әлеуметтік желілерде де тарады. Қазіргі уақытта мамандар апаттың нақты себептерін анықтау үшін тергеу жұмыстарын жүргізіп жатыр.