Велосипедпен тіркемеге соғысқан 4 жастағы бала қаза тапты

Қостанай облысының Тобыл ауылында 4 жасар бала жол апатынан көз жұмды. Бұл туралы POLITICO.KZ «Алау-ТВ-ға» сілтеме жасап хабарлады.

Оқиға 22 шілде күні күндіз болған. Бала велосипедпен келе жатқан сәтте, сол бағытта қозғалып келе жатқан жүк көлігінің жартылай тіркемесімен соқтығысқан. Алынған жарақат салдарынан бала оқиға орнында жан тапсырған.

Аталған дерек бойынша полиция ҚР Қылмыстық кодексінің 345-бабы 3-бөлігі бойынша (көлік құралдарын жүргізуші адамдардың жол қозғалысы немесе көлік құралдарын пайдалану ережелерін бұзуы абайсызда адам өліміне әкеп соққан жағдай) сотқа дейінгі тергеуді бастады.