«Ылғи байлардың қасында»: Нұрлан имам Динара Сатжанның күйеуіне шапан жапты
Танымал имам Нұрлан Байжігітұлы журналист Динара Сәтжанның үйінде қонақ болды. Ол Динараның шақыруымен құран оқып, қоныс тойға қатысқан, деп хабарлайды POLITICO.KZ
Сондай-ақ имам Динараның күйеуіне шапан жауып, сый-сияпат көрсетті.
Қоныс иесі – кәсіпкер әрі меценат Жұмабек Жанқұлов. Ол бұл жағдайға ерекше қуанышын білдірді:
«Жұрт имамдарға шапан жабады, ал менің имамым маған шапан жапты», – деп жазды кәсіпкер.
Ал Динара Сәтжан әлеуметтік желідегі жазбасында:
«Алғашқы қоныс тойымыз өтті. Ата-анамыздың ақ батасын алдық. Нұрлан имам келіп, құран оқыды», – деп бөлісті.
Дегенмен, желі қолданушылары имамның бұл әрекетін құптай қойған жоқ. Олар:
«Қашаннан бері жеке имам болып кеткенсіз?», «Нұрлан имам кімдікіне шапан жабу керегін біледі», «Неменеге жапты?», «Ылғи байлардың қасында жүреді», «Жеке имамы несі?» – деген сынды пікірлер қалдырды.
Соңғы жаңалықтар
