Жамбыл облысында 22 жастағы полицей өз-өзіне қол жұмсады

Жамбыл облысында 22 жастағы полиция сержанты өз-өзіне қол жұмсады, деп хабарлайды POLITICO.KZ.

Құқық қорғау органдарындағы дереккөздің мәліметінше, қайғылы оқиға 12 ақпан күні кешкі сағат 18:15 шамасында Жамбыл ауданы Жасөркен ауылында орналасқан ГРЭС бекетінде болған.

"12 ақпанда 18:15-те Жамбыл облысы Жамбыл ауданы Жасөркен ауылында орналасқан ГРЭС постында полиция сержанты табельдік Макаров тапаншасымен өз-өзіне оқ атып, көз жұмды. Ол 2003 жылы туған", – делінген хабарламада.

Қазіргі уақытта Жамбыл облысының полиция департаментіне ресми сұраныс жолданды. Оқиғаның себептері анықталуда.