Жамбыл облысында ер адам мас күйде әйелін өлтіріп алды

Жамбыл облысында ер адам мас күйде жол апатына ұшырады. Көліктегі жұбайы оқиға орнында көз жұмды, деп хабарлайды POLITICO.KZ. 

Апат 2024 жылдың мамырында болды. Ер адам мас күйінде көлікке отырған. Ол көлікті басқара алмай, жол апатына ұшырады. Көлікте жұбайы мен 3 баласы болған. 

Прокурор сотталушыға алты жылға бас бостандығынан айыру туралы өтініш білдірді. Марқұмның анасы бас бостандығынан айыруға байланысты емес жаза тағайындауды өтінді. Ер адамның өзі өзін ақтауды өтінді. Бірінші сатыдағы сот апатқа кінәлі адамды алты жылға бас бостандығынан айырып, өмір бойына жүргізуші куәлігінен айырды.

"Қылмыстық істер жөніндегі апелляциялық алқаның қаулысымен бірінші сатыдағы соттың үкімі өзгертілді. Сотталушының 2023 жылы туған баласына байланысты сот үкімін орындау бес жылға, яғни 2030 жылға дейін кейінге қалдырылды. Қалған бөлігінде үкім өзгеріссіз қалды", - делінген хабарламада.