“Жарты жылдан асты…”: Жұлдыз Өмірғали ел естімеген жаңалығын айтты

Танымал әнші, актриса Жұлдыз Өмірғали кино саласының актрисалықтан өзге бағыты бойынша жұмыс істеуді жоспарлап отырғанын жеткізді.

Үшінші сәбиіне аяғы ауыр өнер жұлдызы босанған соң, фильм түсіріп, көрерменге жаңа қырынан танылғысы келетінін жасырмады.  

"Адам әрқашан өзіне мақсат қойып, сол арманына жеткісі келеді ғой. Аман-есен баламды дүниеге алып келгеннен кейін кино түсіру жоспарымда бар. Қазір сценарий жазу процесіндемін. Жарты жылдан асты қалай сценарий жазу керек екенін зерттеп жүрмін. Кітабын да оқыдым, видеосын да көрдім", - деді Жұлдыз Өмірғали.