Жасөспірім төрт жастағы қызды зорлады

Қырғызстандық жасөспірім төрт жасар баланы зорлады деп күдіктеліп отыр.

Оқиға елдің Ысык-Ата ауданында болған. 14 жастағы жасөспірім ұсталып, оған қатысты зорлау бабы бойынша қылмыстық іс қозғалды.

Құқық қорғау органдарының қызметкерлерімен әңгімелесу кезінде мектеп оқушысы қылмысқа «әлеуметтік желілерде көрген бейнежазбалар» итермелегенін мойындады.

Қызының басынан өткен оқиғаны білген анасы микроинсульт алып, ауруханаға түсті. Ол милицияға жүгінгісі келмеген, сондықтан аудандық бөлімде балаға заңды өкіл тағайындалды.

Ауруханада зорлық-зомбылық фактісі расталды.

«Қазіргі уақытта Ысык-Ата аудандық еңбек, әлеуметтік қорғау және миграция басқармасы бала құқықтарын қорғаудың жеке жоспары негізінде қызбен жұмыс істеуде», – делінген хабарламада.

Билік өкілдерінің айтуынша, зардап шеккен қызға ұзақ мерзімді оңалту қажет.