Жазира Байырбекова отбасымен Таиландта қалай демалып жатқанын көрсетті 

Қазақстандық шоу-бизнес жұлдызы Жазира Байырбекова жаңа жыл қарсаңында отбасымен шетелде демалып қайтуды шешті. Жұлдызды жанұя мерекеге санаулы күндер қалғанда ыстық мекенге ұшып кеткен, деп жазады KAZ.NUR.KZ.

Жазира Байырбекова шетелге аттанғанын Instagram-дағы парақшасында хабарлады. Өнер иесі отбасымен жағажайда түскен суретін жариялап, демалысы қалай өтіп жатқанын көпшілікке көрсетті. 

Жұлдызды жанұя бұл жолы Таиландқа баруды шешкен. Жанболт Ербатыров пен Жазира Байырбекова бұл саяхатқа қызы Дараны да алып барған. 

Желі қолданушылары ерлі-зайыптыға тәнті болып, оларға жылы лебізін жарыса білдірді. 

"Жыл бойы тынбай еңбек етіп, әбден демалуға лайықтысыздар", "Дұрыс, жақсылап демалып қайтыңыздар", "Жаңа жылды сол жақта қарсы алатын болып тұрсыздар ғой?", "Даражан өсіп қалыпты", "Қандай керемет отбасы, өте ризамын", "Бізге де бұйырсын", "Ешқандай хайп қумайтын, өзімен-өзі жүрген қарапайым жандар", "Өте үлгілі жанұя", - деп жазуда көпшілік.