«Жомарт адамдарды кездестірдік»: Backstreet Boys әншілері қазақтың қонақжайлығын ұмыта алар емес

Америкалық Backstreet Boys тобы Қазақстандағы гастрольдерін шын мәнінде ұмытылмас деп атады, деп хабарлайды POLITICO.KZ. 

Олар Instagram-да қазақстандық жанкүйерлердің ерекше жомарттығы мен жылулығына тоқталды.

«Ұшақтан түскен сәттен бастап, елден кеткенімізше бізді шын жүректен қарсы алып, ерекше ықылас танытты. Біз керемет жомарт адамдарды кездестірдік және Астана мен Алматыдағы концерттерге келгендердің бәріне шын жүректен алғыс айтамыз. Бұл ұмытылмас сапар болды!», - деп жазды танымал топ. 

Жанкүйерлер пікірлерде бірден әртістерді қайта оралуға шақырды.

«Бірнеше күннен бері жастық шағымды еске алып, қуанышқа бөленіп жүрмін».
«Біз сіздерді одан сайын жақсы көріп кеттік. Біздің таңдауымыз ол кезде де, қазір де дұрыс екен. Сіздер – шын мәнінде талантты әрі мейірімді жансыздар! Қазақстанға қайта оралуларыңызды күтеміз».
«Біз сіздерді 30 жыл күттік және бар жүрегімізбен жақсы көреміз. Сіздердің музыкаңыз біз үшін өте маңызды. Өтінеміз, қайта келіңіздер», - деді жанкүйерлер. 

Еске сала кетсек, 2025 жылдың 19 және 21 қыркүйегінде Backstreet Boys Астана мен Алматыда концерт беріп, тек қазақстандық жанкүйерлерді ғана емес, шетелден келген қонақтарды да жинады.