Жүк тиеген трак ЛРТ конструкциясына соғылды: елордада үш адам зардап шекті

Астанада жүк тиеген трак ЛРТ конструкциясына соқтығысып, салдарынан үш адам зардап шекті, деп хабарлайды Politico.kz. Қазіргі уақытта зардап шеккен үш адамның жағдайы белгілі болды. 8 тамызға қараған түні жүк тиеген арнайы техниканың жүргізушісі габаритін есептемей, Қабанбай батыр-Ұлы Дала даңғылдарының қиылысындағы LRT құрылымына соғылды. Астана қаласы Денсаулық сақтау басқармасының мәліметінше, жедел жәрдем қызметі зардап шеккен үш адамды №1 көпсалалы қалалық ауруханаға жеткізді.

«1995 жылы туған қыз бала оң білегінен жарақат алды. Ал 1994 жылы туған ер адам сол аяғының тобығынан жараланды. Сол сияқты 1998 жылы туған ер адам басынан жараланды. Олардың бәрін травматолог пен нейрохирург қарап, амбулаториялық емделуге жіберді, оларға тиісті ұсыныстар берілді», - деп хабарлады басқарма.