2026 жылдан бастап Қазақстанда жол ережесін бұзу айтарлықтай қымбаттайды

2026 жылдың 1 қаңтарынан бастап Қазақстандағы барлық жүргізушілерді жағымсыз жаңалық күтіп тұр. Жол қозғалысы ережесін бұзғаны үшін салынатын барлық айыппұлдар автоматты түрде 10 пайызға өседі. Себебі – айлық есептік көрсеткіштің (АЕК/МРП) өсуі. Бұл – қағаз жүзіндегі өзгеріс қана емес, жүргізушілердің қалтасына тікелей соққы.

Politico.kz Kolesa.kz-ке сілтеме жасап хабарлағандай, енді бұрын «ұсақ» көрінетін заңбұзушылықтардың өзі он мыңдаған, тіпті жүз мыңдаған теңгеге түседі.

АЙЫППҰЛДАР НЕГЕ ӨСТІ
Қазақстандағы барлық әкімшілік айыппұлдар АЕК-ке байланған. АЕК 10 пайызға артқандықтан, жол ережесін бұзғаны үшін төленетін барлық сома да өсіп отыр.

ЖЫЛДАМДЫҚ АСЫРУ

10–20 км/сағ асыру – 5 АЕК (21 625 теңге)
20–40 км/сағ асыру – 10 АЕК (43 250 теңге)
40–60 км/сағ асыру – 20 АЕК (86 500 теңге)
60 км/сағ және одан жоғары – 40 АЕК (173 000 теңге)

РӨЛДЕ ТЕЛЕФОН ҚОЛДАНУ

Қозғалыс кезінде телефонмен сөйлесу немесе рация пайдалану – 5 АЕК (21 625 теңге)
ШУ МЕН ШЫҒАРЫНДЫ НОРМАСЫН БҰЗУ
Жеке тұлғалар үшін – 10 АЕК (43 250 теңге)
Заңды тұлғалар үшін – 100 АЕК (432 500 теңге)

Қайталанса:

Жеке тұлғалар – 86 500 теңге
Заңды тұлғалар – 865 000 теңге

ҚАУІПСІЗДІК БЕЛДІГІ, ШЛЕМ, ЖҮК

Белдік тақпау немесе мотошлемсіз жүру – 21 625 теңге
Жолаушыны дұрыс тасымалдамау – 21 625 теңге
Терезеден шығу, есігі ашық көлікпен жүру – 43 250 теңге

ТРотуар, ҚАРСЫ ЖОЛАҚ

Тротуармен, жаяу жүргінші жолымен жүру – 64 875 теңге
Тыйым салынған жерде қарсы жолаққа шығу – 6 айға дейін жүргізуші куәлігінен айыру

ТОҚТАУ ЖӘНЕ ТҰРАҚ

Қарапайым тоқтау ережесін бұзу – 21 625 теңге
Тротуар, газон, балалар алаңы – 43 250 теңге
Мүгедектерге арналған орын – 43 250 теңге
Ақылы тұрақты төлемеу – 4 325 теңге

БАҒДАРШАМ ЖӘНЕ АРНАЙЫ КӨЛІК

Қызыл шамға өту – 43 250 теңге
(сары шам да тыйым салынған)
Жедел жәрдемге, полицияға жол бермеу – 64 875 теңге

ЖАЯУ ЖҮРГІНШІЛЕР

Жаяу жүргіншіге жол бермеу – 43 250 теңге
Жол белгісі мен сызықты елемеу – 12 975 теңге
Апаттық жағдай жасау – 43 250 теңге

ТЕМІРЖОЛ ӨТКЕЛІ

Теміржол өткелін бұзу – 86 500 теңге

ЖОЛ-КӨЛІК ОҚИҒАСЫ

Материалдық шығын келтіру – 108 125 теңге
Жеңіл дене жарақаты – 173 000 теңге немесе 9 айға дейін құқықтан айыру
Жүргізуші куәлігінсіз ЖКО – 259 500 теңге

Апат орнын тастап кету:

216 250 теңге немесе 1 жылға жүргізуші куәлігінен айыру (жарақаттанған адамға көмектесу – ерекшелік)

ҚҰЖАТТАР МЕН НӨМІРЛЕР

Құжатсыз жүру – 21 625 теңге
Куәліксіз көлік жүргізу – 216 250 теңге немесе 10 тәулікке дейін қамау
Полиция талабын орындамау – 173 000 теңге

Көлік нөмірлері:

Оқылмайтын нөмір – 21 625 теңге
Нөмірсіз жүру – 43 250 теңге
Жалған нөмір – 64 875 теңге

БАСҚА БҰЗУШЫЛЫҚТАР

Заңсыз қайта жабдықтау – 64 875 теңге
Техбайқаусыз көлік жүргізу – 21 625 теңге

2026 жылдан бастап жол ережесін бұзу бұрынғыдан әлдеқайда қымбатқа түседі. Айыппұлдар өсті, ал кей жағдайларда жүргізуші куәлігінен айырылу қаупі бар. Ережені сақтау – енді тек қауіпсіздік емес, қаржылық қажеттілік.

Жол апаты жол ережесі Полиция