750 мың адамның мәртебесін анықтау жұмысы жүргізіліп жатыр – Тамара Дүйсенова

«Бүгінгі таңда 3 млн-нан астам азамат міндетті әлеуметтік-медициналық сақтандырылмаған. Осыған қатысты Үкіметте штаб құрылғанын білеміз. Өзіңіз сол штабты басқарасыз. Осы проблеманы шешу мәселесін қалай қарастырып жатырсыздар?», - деп сұраған еді Мәжіліс депутаты Жұлдыз Сүлейменова вице-премьерден.

«Егер олар әлеуметтік әлжуаз азаматтардың қатарына қосылса, онда оларға мемлекет тарапынан қажетті жарналар төленуі керек. Ал егер өздері жұмыс істейтін азаматтар болса, онда олар жарналарын өздері төлеуі тиіс» деген мәселені қарастырып жатырмыз. Бүгінгі таңда 130 мың адамның мәртебесі анықталды. Қазір 750 мың адамның мәртебесін анықтау жұмысы жүргізілуде. Жыл соңында осы мәселеге орай өздеріңізге қажетті ақпарат береміз», - деді Тамара Дүйсенова.