Адвокат Ғылым және жоғары білім министрлігін сотқа берді

Адвокат Халида Әжіғұлова Ғылым және жоғары білім министрлігін сотқа берді, деп хабарлайды Politico.kz ҚазТАГ-қа сілтеме жасап.

Өкінішке қарай, төтенше квотаға байланысты басым мамандықтары бойынша лайықты грантын ала алмаған талапкерлер бар. Сондықтан кеше және бүгін ғылым министрлігіне қарсы 10 жаңа талап-арыз сотқа берілді, - дейді адвокат Халида Әжіғұлова.

Заңгер заң көмегіне жүгінген талапкерлердің барлығы дерлік оқу жылының басталуына бірнеше күн қалғанда министрлік бөлуді ұйғарған қосымша білім гранттарын иеленгенін айтып, қуанышын бөлісті.

Ғылым министрлігі мемлекеттік білім гранттарын бөлу кезінде «төтенше жағдайдағы аймақтарға» квотаны қолданудағы қателігін әлі де мойындамайды. Министрлік әрекетін неге қате деп санаймыз? Өйткені білім гранттарын бөлудің кез келген квотасы тек парламент қабылдап, президент қол қоюы тиіс заңдар негізінде ғана бекітіледі, - деді заңгер.

Оның айтуына қарағанда, министрлік мемлекеттік білім гранттарын бөлу кезінде «төтенше жағдайдағы аймақтарға» квота қолданған нормативтік құқықтық актіні атамайды. Фотоколлаж: Azattyq Rýhy/Әбілқасым Есентаев

адвокат арыз Саясат Нұрбек сот Халида Әжіғұлова Ғылым және жоғары білім министрлігі